Projekty w Dolnej Łužycy
|
Pśedšulski wobłuk
Ptaškowa swajźba
Pśedstajenja k ptaškowej swajźbje su pórucenje Serbskego ludowego ansambla Budyšyn. Rěcny centrum WITAJ jo kooperaciski partnaŕ za wobej źiśecej zarědowani w Dolnej Łužycy.
cilowa kupka: WITAJ-źiśownje a serbšćinarje/-ki 1. do 7. lětnika
cas: januar
kapacita: někak 1400 městnow
Wopóznaśe ze serbskimi powěsćami a nałogami a jich pśedstajenje z pomocu kreslankow, collagow, plastikow.
cilowa kupka: źiśi WITAJ-kupkow w źiśownjach
cas: wót maja až do oktobra
kapacita: njewobgranicowana
Šulski wobłuk
Centralna olympiada serbskeje rěcy
Centralna olympiada jo nejwažnjejše wuběźowanje za nejlěpšych serbšćinarjow cełeje Łužyce. To jo zgromadny projekt z wuknikami/-cami Dolneje a Górneje Łužyce. Wukniki/-ce se w jadnotliwych stopnjach – serbšćina ako mamina rěc, serbšćina ako druga rěc a serbšćina ako cuza rěc – pśespytuju .
cilowa kupka: nejlěpše serbšćinarje/-ki ze šulow Dolneje a Górneje Łužyce
cas: maj/junij
kapacita: 20 městnow
wuwiśe krotkego tšojeńka a jogo pśedstajenje ze słowami a wobrazami z nałožowanim dolnoserbskeje rěcy k licho wuzwólenej temje
cilowa kupka: wukniki/-ce, kótarež dolnoserbski wuknu a wobźělniki/-ce WITAJ-wucby lětnikow 1 do 13
cas: wót apryla až do nowembra
kapacita: njewobgranicowana
filmowy projekt k nałožowanju dolnoserbskeje rěcy w graśu k skšuśenjeju rěcnych znaśow
cilowa kupka: wukniki/-ce, kótarež dolnoserbski wuknu a wobźělniki/-ce WITAJ-wucby lětnikow 4 do 6
cas: měrc/apryl
kapacita: maks. 10 wuknikow/-cow z wobstararjom/-ku
W "Obenkino" w Chóśebuzu pokazujo se prědny raz wukrajny źiśecy film w dwěma rěcoma. Originalna rěc filma a dolnoserbska rěc stej paralelnje słyšaś. Dolnoserbska rěc jo głosnjejša ako druga rěc a njejo pak synchronizěrowana. Pó filmje jo diskusija ze wuknikami/-cami wó filmje zaplanowana.
cilowa kupka: WITAJ-wukniki/-ce, zajmowane B-serbšćinarje/-ki 4. do 6. lětnika
cas: prědny tyźeń w nowembrje
kapacita: maksimalnje 70 městnow
Wótwisnje wót licby wobźělnikow/-cow organizěrujo Rěcny centrum WITAJ tśi abo styri projektowe dny w Serbskem muzeju w Chóśebuzu. W tśich rozdźělnych stacijach se zeznawaju wukniki/-ce ze Serbskim muzejom, zanuriju se musikaliski do serbskeje tematiki a dožywiju dolnoserbske nałogi a tradicije pśedgódownego casa.
cilowa kupka: serbšćinarje/-ki 3. lětnika
cas: december
kapacita: maksimalnje 60 wobźělnikow/-cow za źeń
Žywjenje w internaśe wuknikam/cam zmóžnja, se aktiwnje na duchno-kulturnem žywjenju Chóśebuza wobźěliś a wšykne towarišnostne a kulturne pórucenja serbskich a dalšnych institucijow wužywaś. Pśez zgromadne bydlenje jo jim pak teke móžno, serbske kulturne wjeraški sami wugótowaś, serbske nałogi a kulturu woplěwaś a na taki part internat ako platformu zarědowanjow za towarišnostne žywjenje wužywaś.
cilowa kupka: wobydlarje/-ki Dolnoserbskego internata Chóśebuz
cas: wót januara do decembra
kapacita: wótpowědujucy danemu projektoju
Pśedstajenja k ptaškowej swajźbje su pórucenje Serbskego ludowego ansambla Budyšyn. Rěcny centrum WITAJ jo kooperaciski partnaŕ za wobej źiśecej zarědowani w Dolnej Łužycy.
cilowa kupka: WITAJ-źiśownje a serbšćinarje/-ki 1. do 7. lětnika
cas: januar
kapacita: někak 1400 městnow
To jo projekt za wukniki/-ce, kenž dolnoserbski ako drugu abo cuzu rěc wuknu. Serbšćinarje/-ki z cełeje Dolneje Łužyce se na njom wobźěliju. W dwěma pśeběgoma dožywiju wukniki/-ce w młodowni w Bórkowach serbsku wucbu na wósebny part.
cilowa kupka: serbšćinarje/-ki 5. lětnika
cas: september
kapacita: maksimalnje 60 městnow za pśeběg
Pó wótgłosowanju ze šulami organizěrujo a pśewjeźo Rěcny centrum WITAJ specielnje pśigótowane projekty w šulach respektiwnje k dnjam wótwórjonych źuri.
cilowa kupka: wšykne šule
cas: pó wótgłosowanju
kapacita: wótwisna wót ramikowych wuměnjenjow
Pó prědnem schójźeńku wuběźowanja w serbskej rěcy za 1. do 6. lětnika w casopisu Płomje organizěrujo Rěcny centrum WITAJ za wukniki/-ce 6. lětnika (serbska rěc ako cuza rěc, serbska rěc ako druga rěc) drugi schójźeńk wuběźowanja.
cilowa kupka: 50 nejlěpšych serbšćinarjow/-kow ze šulow Dolneje Łužyce
cas: měrc
kapacita: maksimalnje 50 městnow
Za wukniki/ce 8. lětnika (serbska rěc ako cuza rěc, serbska rěc ako druga rěc) organizěrujo Rěcny centrum WITAJ rěcne wuběźowanje w rumach Dolnoserbskego internata a Rěcnego centruma WITAJ.
cilowa kupka: 50 nejlěpšych serbšćinarjow/-kow ze šulow Dolneje Łužyce
cas: měrc
kapacita: maksimalnje 50 městnow
Někak kužde druge respektiwnje tśeśe lěto pśigótujo lajska źiwadłowa kupka „Grajarki” wósebnje za WITAJ-źiśi dolnoserbske źiwadłowe graśe. Rěcny centrum WITAJ organizěrujo pśedstajenja za zajmowany publikum.
cilowa kupka: WITAJ-wukniki/-ce, dalšne zajmowane wukniki/-ce, gósći su witane
cas: terminy se znate cynje
kapacita: wótwisna wót grajnego městna
Dalšne źiwadłowe pśedstajenja w dolnoserbskej rěcy pórucyjo Nimsko-serbske ludowe źiwadło Budyšyn. Take zarědowanja se w zgromadnem źěle z Rěcnym centrumom WITAJ koordiněruju a organizěruju. Graśa a městna wótwisuju wót pótrjeby w Dolnej Łužycy.
cilowa kupka: WITAJ-źiśownje, WITAJ-wukniki/-ce a B-serbšćinarje/-ki
cas: oktober
kapacita: wótwisna wót grajnego městna a formy graśa
Lichy cas
Alternatiwnje k WITAJ-campoju dajomy młodostnym móžnosć, se w lichem casu intensiwnje ze serbskeju rěcu zaběraś.
cilowa kupka: młodostne w starstwje 14 do 17 lět
cas: awgust
kapacita: 20 městnow
Serbski familijowy źeń jo wótpołdnjejše zarědowanje z małymi kulturelnymi wjeraškami za młodych a starych z nałožowanim dolnoserbskeje rěcy.
cilowa kupka: familije ze źiśimi, kótarež se wobźěliju na WITAJ-projekśe resp. wuknu w bilingualnej rědowni
cas: september/oktober
kapacita: njewobgranicowana
Serbski filmowy wjacor jo prezentacija a rownocasnje premjera dolnoserbskego źiśecego filma, kenž jo nastał w zwisku z filmowym projektom łońskego lěta.
cilowa kupka: sobustatkujuce filmowego projekta a jich pśijaśele/-ki, ale teke serbšćinarje/-ki, pśedšulske źiśi a wukniki/-ce WITAJ-projekta
cas: maj/junij
kapacita: njewobgranicowana
Pórucenje płaśi jano za WITAJ-wuknikow/-ce. W lichej, njenuzkanej atmosferje słyše źiśi dolnoserbsku rěc na wšednem dnju. Źiśi wuknu na grajkajucy part serbsku leksiku nałožowaś.
cilowa kupka: źiśi w starstwje 8 do 13 lět
cas: julij
kapacita: maksimalnje 40 městnow
|