|
Nowe wucbne materialije za dolnoserbšćinu K šulskemu lětoju 2010/2011 pśedlaže slědujuce nowe abo wobźěłane wucbne materialije za dolnoserbšćinu: Drogi licenja 4 Wuchadny material za serbskorěcnu wucbu matematiki jo nimska wucbnica Rechenwege 3 nakładnistwa Cornelsen. Dokulaž jo se ten nimski titel nowo wobźěłany wudał, jo trjeba było, jen za serbsku wucbu matematiki nowo pśestajiś. Pśełožk titla jo wobstarała Tatjana Kadočnikowa. Dalšne nakłady Za cuzorěcnu wucbu serbšćina pśedlažyjotej w 3. wobźěłanem nakłaźe źěłowej zešywka III a IV Gódam a zwucujom serbski (awtor III. źěla Uwe Gutšmit, awtorka IV. źěla Margot Hašcyna). Dalej ako prowizoriski wuproběrowański material we Witaj-wucbje 5. a 6. lětnika móžo se wužywaś wucbnica Mója serbšćina 5/6 z pjera Ingrid Hustetoweje a z ilustracijami Cornelije Mäffertoweje. Chtož toś ten material trjeba, daś se pśizjawijo w Rěcnem centrumje Witaj w Chóśebuzu. |
|
|