Dolnoserbski internat Chóśebuz
|
Sy ty wuknik/-ca Dolnoserbskego gymnaziuma a njebydliš w Chóśebuzu? Pón jo naš internat za tebje rowno to pšawe (glej: Prezentacija internata).
Internat lažy w bliskosći Dolnoserbskego gymnaziuma (2 minuśe pěšy) a ma městno za 45 wuknikow. Śpy su 15–20 m2 wjelike. Ku kuždej śpě słuša kompletnje wugótowane kupadło. Mimo togo ma kužda śpa internetowy zwisk a kabelowy zwisk za telewizor. Na kuždej z tśich etažow jo zgromadna rumnosć.
Internat a Dolnoserbski gymnazium stej jadnota. Zgromadne wjacory a projekty kaž teke woplěwanje serbskich nałogow internatne žywjenje wobogaśuju (glej: Pśeglěd projektow internata). Źož wjele luźi gromaźe bydli, dajo wšakorake měnjenja. Wěste pšawidła pak maju wšykne wukniki doźaržaś. Ze słowom a statkom was pódpěruju tśi wótkubłarki a jaden wótkubłaŕ, na kótarež móžośo se źeń a noc wobrośiś:
Kosty za internat: 135,00 € na mjasec (śopło)
Wěcne kosty: 2,50 € na mjasec
Cełodnjowske zastaranje: snědanje 1,85 € na źeń, wjacerja 2,30 € na źeń. Wukniki wót 11. do 14. žywjeńskego lěta maju se na kuždy pad na snědanju a wjaceri wobźěliś.
Gaž se zajmujoš za internatne městno, pósćel nam e-mailku. Pón tebje pósćelomy póžedański formular.
Kontakt
Dolnoserbski internat Chóśebuz
Žylojska droga 39 / Sielower Straße 39
03044 Chóśebuz / Cottbus
tel.: 0355 4944763 / faks: 0355 4944764 e-mail: Diese E-Mail-Adresse ist gegen Spambots geschützt! Sie müssen JavaScript aktivieren, damit Sie sie sehen können.
Fotowa galerija      
|
|
|