Kuždy mjasec cakaju cytarje/-ki w starstwje wót 6 do 14 lět njesćerpnje na nowe wudaśe Płomjenja. W njom namakaju dopise cytarjow/-kow, nowe serbske wulicowanja, bajki abo powěsći. W kuždem wudaśu su teke spiw abo baseń, tšojeńka, dialogi a comici, kótarež pódpěraju aktiwne wuknjenje górnoserbšćiny. Teksty wó serbskich stawiznach, reportaže wó pśiroźe a sportowe pśinoski rowno tak wótměny napóraju. Zajmnostki wó starych a nowych wunamakanjach, recepty, basleńske boki a kurioznosći wudopołniju pórucenje temow. Žorty, pytańske wobraze, gódańka a wobraze k wumólowanju, se wě, teke njesměju felowaś.

Wušej togo organizěrujo redakcija wšake sportowe a kulturne zarědowanja za serbske wukniki/-ce. Tak wótměwa se na pś. w Ralbicach kužde lěto štaflowy běg serbskich srjejźnych šulow.

Płomjo wudawa Rěcny centrum WITAJ w Budyšynje. Zešywk wuchada kuždy mjasec, w lěśojskich prozninach ako dwójne wudaśe, z nakładom 2.100 eksemplarow w Ludowem nakładnistwje Domowina w Budyšynje. Wóttam se wětšy źěl do šulow ze serbskeju wucbu sćelo.

Forma wudawanja: zešywk w górnoserbskej rěcy z 40 bokami (format A5)
Wašnja wudawanja: mjasecnje (jadnasćo razow za lěto)
Cas wudawanja: wót lěta 1952
Jadnotliwa płaśizna: Jaden zešywk płaśi 0,50 € a jo w Smolerjec knigłarni w Budyšynje na pśedań.
Abonement: Za lětne pjenjeze we wusokosći 4,40 € casopis pśawidłownje dostawaśo. (Skazanka pśez Ludowe nakładnistwo Domowina)
 

Redaktor: Pětr Šołta
Kontakt:  Diese E-Mail-Adresse ist gegen Spambots geschützt! Sie müssen JavaScript aktivieren, damit Sie sie sehen können.
Internetowy bok: www.plomjo.de
Wudawaŕ: Domowina z. t. – Rěcny centrum WITAJ
Nakładnistwo/rozšyrjenje: Ludowe nakładnistwo Domowina Budyšyn
ISSN 0136-2594

Spěchujo se wót Załožby za serbski lud, kótaraž dostawa lětnje pśipłaśonki wót Zwězka, Lichotnego stata Sakska a kraja Bramborska.