Informaciski zešywk Lutki wobrośijo se na starjejšych a jich źiśi w źiśowni, kenž serbski powědaju abo serbski wuknu.

W fachowem pśinosku se starjejše informěruju wó tom, kak mógu swóje źiśi pśi pśiswójenju serbskeje rěcy pódpěrowaś, teke gaž sami serbski njepowědaju. Jim se rozkładujo, na kaku wašnju se źiśi w jěsnem starstwje drugu rěc pśiswójuju a kake faktory rěcne wuwiśe spěchuju. K wótpowědnej temje se rozpšawja wó źěle w źiśownjach kaž teke wó aktualnych pórucenjach a wósebnych tšojenjach w zwisku z pśiswójenim serbskeje rěcy.

Za źiśi same se wugótujo wósym bokow. W kuždem zešywku je maskotka Witko z krotkim tšojeńkom wuwitajo. Wobrazki k tomu mógu źiśi wumólowaś a k nim wulicowaś. Teke rozwjaselenje pśi gódanju a knoblowanju jo garantěrowane. Spiwańka, rymy, jězykłamate gronka – to wšo ma se nejpjerwjej raz nawuknuś. Samo nawjedowanja k eksperimentam za małych wědomnostnikow se w zešywku Lutki namakaju. A za te źiśi a jich starjejše, kenž by kśěli pór nowych serbskich słowow nawuknuś, dajo wuknjeński rožk.